Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 16r

Llyfr Cyfnerth

16r

tyget y perchennaỽc a chymydaỽc uch y drỽs.
ac arall is y drỽs raculaenu yr yscrybyl y bore.
a chadỽ yr olyeit y diwedyd. Y neb a| diotto llygat
gellgi brenhin neu a| torho y loscỽrn; talet pe  ̷+
deir keinhaỽc kyfreith ygkyfeir pop buch a tal+
ho y ki. Ki kallaỽued o|r lledir pellach naỽ kam
y| ỽrth y| drỽs; ny thelir. O|r lledir ynteu o vyỽn y
naỽ| kam; pedeir ar hugeint a| tal. Nyt oes werth
kyfreith ar vitheiat; po·peth ny bo gỽerth kyf  ̷+
reith arnaỽ. damdỽg a geffir ymdanaỽ.
Pỽy bynhac a defnydyo kylleic brenhin;
talet tri buhyn camlỽrỽ yr brenhin. Karỽ;
ych a| tal. Ewic; buch a| tal. Deudec golỽyth bre  ̷+
inhyaỽl a uyd yg kylleic brenhin. Tauaỽt. A
thri golỽyth o|r mynỽgyl. kymhibeu. Callon.
Deulỽyn. Jar. Tumon. hydgyllen. herỽth. Auu.
Tri buhyn camlỽrỽ a telir dros pop  golỽyth
Sef a telir dros gylleic brenhin pan gyfrifer pop
camlỽrỽ; deu vgein mu. Ny byd golỽython bre  ̷+
inyaỽl yn hyd brenhin namyn o ỽyl giric hyt
galan racuyr. Ac ny byd kylleic ynteu. onyt tra
vo y golhỽython breinhaỽl yndaỽ. O|r lledir ka  ̷+
rỽ brenhin yn tref breyr y bore; katwet y breyr
ef yn gyfan hyt hanher dyd. Ac ony doant y ky  ̷+
nydyon yna. paret y breyr bligyaỽ yr hyd a| llithaỽ