Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 15v

Llyfr Cyfnerth

15v

y brenhin gerd o|e gỽarandaỽ; kanet y penkerd
deu ganu y mod duỽ. A|r| trydyd o|r penaetheu.
Pan vynho y vrenhines gerd o|e gỽarandaỽ
yn| y hystauell. kanet y bard teulu tri chanu
yn disson rac teruyscu y llys.
KEneu gellgi brenhin tra vo kayat y ly  ̷+
geit; pedeir ar hugeint a| tal. Yn| y gro  ̷+
wyn; ỽyth a deu vgeint a| tal. Yn| y gynllỽst;
vn ar pymthec a phetwar vgeint a| tal. Yn| y o  ̷+
uer·hela; wheugeint a| tal. pan vo kyfrỽys;
punt a| tal. Keneu milgi brenhin kyn ago  ̷+
ri y lygeit; deudec keinhaỽc a| tal. Yn| y growyn;
pedeir ar hugeint a| tal. Yn| y gynllỽst; ỽyth a
deugeint a| tal. Yn| y ouer·hela; vn ar pymthec
a phetwar vgeint a| tal. pan vo kyfrỽys. punt
a| tal. Un werth yỽ gellgi breyr a milgi bren  ̷+
hin. Sef a| tal milgi breyr; hanher kyfreith
gellgi breyr gogyfoet ac ef. Py ryỽ bynhac
vo keneu tayaỽc kyn agori y lygeit; keinhaỽc
cotta a| tal. Yn| y growyn; dỽy geinhaỽc cotta
a| tal. Yn| y gynllỽst; teir keinhaỽc cotta a| tal.
Pan ellygher yn ryd; pedeir keinhaỽc cotta a
tal. Kostaỽc kyn boet brenhin bieiffo. ny thal
eithyr pedeir keinhaỽc cotta. Os bugeilgi uyd;
eidon taladỽy a| tal. Ac ot amheuir y uot uelly;