Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 14r

Llyfr Cyfnerth

14r

idaỽ gogreit eissin. A chuccỽy. Gỽys righ+
yll gan tyston. neu taraỽ y post teir gỽeith
ny ellir e gỽadu onyt trỽy lys. Pan wat  ̷+
ter hagen; llỽ y dyn a wysser ar| y trydyd
o wyr vn vreint ac ef a|e gỽatta.
GOf llys a| geiff penneu y gỽarthec a
lather yn| y gegin a|e traet eithyr y ta+
uodeu. y ymborth ef a|e was a| daỽ o|r llys. yn
rat y| gỽna ef gỽeith y llys oll eithyr tri gỽe  ̷+
ith. kallaỽr. A bỽell  aỽch·lydan. A
gỽayỽ. Gof llys bieu keinyon kyfedỽch.
Ef a geiff pedeir keinhaỽc o pop karcharaỽr
y diotto heyrn y arnaỽ. Y tir a geiff yn ryd.
Gỽiraỽt gyfreithaỽl a| geiff o|r llys. lloneit
y llestri y| gofyer ac ỽynt yn| y llys o|r cỽrỽf.
A|r trayan o|r med. A|r hanher o|r bragaỽt.
Ef yỽ y| trydydyn a geiff y messur hỽnnỽ. o  ̷+
dyna y righyll. yn diwethaf y trullyat. Ny
eill neb gof bot yn vn gymhỽt a|r gof llys
heb y| ganhat. Vn rydit yỽ ar valu yn| y velin
a|r brenhin. Ef bieu gobreu merchet y| gof  ̷+
ein a uỽynt y danaỽ ac ỽrth y ohen. wheuge  ̷+
int yỽ ebediỽ y gof llys. A wheugeint yỽ go  ̷+
byr y verch. Punt a hanher yỽ y chowyll.
Teir punt yn| y hegỽedi.