Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 11v

Llyfr Cyfnerth

11v

parth a| rennir yn teir ran. y dỽy ran y|r
neuad. A|r tryded y|r ystauell.
Coc bieu crỽyn y deueit a|r geifyr a|r ỽyn
a|r mynneu a|r lloi. Ac amyscar y| gỽarth+
ec a| lather a*|lather* yn| y gegin. eithyr y
refyr a|r cledyf bisweil a a y|r porthaỽr. Y
coc bieu y| gỽer a|r yscei o|r gegin eithyr
gỽer yr eidon a uo teir nos ar warthec
y| maerty. Y tir a geiff yn ryd. A|e varch
bitosseb y gan y brenhin.
Gostecỽr a geiff pedeir keinhaỽc o pop di  ̷+
rỽy a chamlỽrỽ a goller am anostec yn| y
llys. Ran heuyt a geiff am pop kyfran
y gan y sỽydogyon. Y tir a geiff   yn
ryd. A|e ran o aryant y| gỽestuaeu. A|e va+
rch pressỽyl y| gan y brenhin. Pan symu+
ter y maer bisweil o|e sỽyd; trugeint a
geiff y gostecỽr y gan y neb a dotter yn| y le.
Troedaỽc bieu eisted dan traet y brenhin.
A bỽyta o vn dyscyl ac ef. Ef a enyn y
ganhỽyll gyntaf rac bron y brenhin 
 ỽrth uỽyt. Ac eissoes bỽyt seic
A gỽiraỽt a geiff. kanyt oes gyfed idaỽ.
Y tir a geiff yn ryd. A march bitosseb y| gan
y brenhin. A|e ran o aryant y| gỽestuaeu.