Breudwd Rhyddiaith Gymraeg 1300-1425
English

LlB Llsgr. Harley 4353 – tudalen 10v

Llyfr Cyfnerth

10v

porthaỽr vn o|r sỽydogyon dan y adnabot y
myỽn pan y mynho; talet pedeir keinhaỽc
kyfreith y|r sỽydaỽc. Ac os pennadur uyd;
talet yn deudyblyc. A thri buhyn camlỽrỽ
a tal y|r brenhin. llestyr a| eruyll y wiraỽt y|r
dryssaỽr. Distein a|r| gỽallofyeit a| dygant
eu gỽiraỽt y lestyr y dryssaỽr. pan rother
gỽiraỽt yr ebestyl; y dryssaỽr a|e keidỽ. Ef
a sycha crỽyn y gỽarthec a lather yn| y ge  ̷+
gin. A cheinhaỽc a| geiff ynteu o pop croen
pan ranher. Ef a| geiff y tir yn ryd. A march
bitosseb a geiff y| gan y brenhin. Ran gỽr
a| geiff o aryant y gỽestuaeu.
Dryssaỽr ystauell a geiff y tir yn ryd. A
march bitosseb y| gan y brenhin. A gỽiraỽt
gyfreithaỽl a geiff. A|e ran o aryant y| gỽestuaeu.
Gỽastraỽt auỽyn a geiff kyfrỽyeu peunyd  ̷+
yaỽl y brenhin a|e panel.   a|e
gapan glaỽ pan dirmyccer. A|e hen pedoleu.
A|e heyrn pedoli. Y tir a geiff yn ryd. A|e va  ̷+
rch pressỽyl. Ef a dỽc march y brenhin y lety
Ac o|e lety. Ef a| dyeila march y brenhin pan
escynho a phan discynho. Ran gỽr a geiff o|r
ebolyon gỽyllt a| del o anreith.
Medyc llys a eisted yn eil nessaf y|r pente  ̷+