Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 93

Ansoddau'r Trwnc

93

byd glaswynn y trỽngk yn|yr heint gỽres. neu ewynaỽc
neu goch. a|dyuot gỽaet o|e drỽyn; perigyl maỽr vyd y
hỽnnỽ. Dynyon a vo gỽann eu hauu o|r byd gỽynn
eu trỽngk; gỽaeỽ rac ỻaỽ a venyc. ac o symut yn|y dyd+
yeu hynny. cornỽyt a|venyc yr heint gỽres. O|r|byd
ỻiỽ colera arnaỽ a|e vot yn|deỽ a nywlen wenn arnaỽ. a
rudyon gỽynyon arnaỽ yn nofyaỽ; hir nychdaỽt a|arỽydocaa.
Yn yr heint gỽres o phissir yn vynychach noc y gnottaei.
ac na bo da y liỽ a symut yn|da. perigyl a venyc yn|gyn+
drychaỽl. Ony byd da y trỽngk pan bisser. a|symudaỽ o+
honaỽ ar|liỽ un iach; hynny a dengys curyaỽ o|r dyn|rac
ỻaỽ a|darymret. Yn|yr heint gỽres os dyn a wna trỽngk
da digaỽn a bogelyn gỽynn yndaỽ. ac na|leihao y|cryt
perigyl vyd. O|r byd tywyỻ ynteu yn|yr heint gỽres.
a thrỽbyl heb loeỽi ef a drossir yn gryt y trydyd dyd
neu r pedwyryd. O|r byd dyfyrỻyt ynteu; mỽy vyd y
cryt ac ny byd perigyl idaỽ. O|r|byd coch ynteu. a|ỻawer
o wadaỽt yndaỽ. hynny a|dengys y|cryt. os|ỻiỽ dyfyr  ̷+
ỻyt a|uyd arnaỽ; trymach vyd y cryt ac ny byd perigyl.
Trỽngk yr heint gỽres. o|r byd temigyaỽdyr a|ha+
laỽc a ỻỽch yndaỽ megys gỽadaỽt. a nywlen ar y
wyneb; hir nych·daỽt a arỽydocaaTrỽngk y cryt a
vo gỽadaỽt yndaỽ a megys gỽaetlyt o vyỽn; drỽc
y ỽrth yr arenneu a venyc hynny. O|r byd ewyn+
gant ar|drỽngk megys bogelynneu ar|dỽfyr ac
na synnyo ef yna dolur o|r byt hynny a dengys
  rac ỻaỽ. Os bore y byd y trỽngk yn