Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 87

Meddyginiaethau

87

yn disymut. a gỽedy hynny berỽ geirch yn hir
y|myỽn dỽfyr. ac a hỽnnỽ yn dỽym golcher ef
y geniuer gỽeith ac y tynner y plastyr y ỽrthaỽ.
Ac uelly aruer yny vo iach. Araỻ yỽ; kymer
hat y|meirch. a naỽ gronyn o bybyr. a mortera
gyt a ỻoneit ỻỽy aryant o vel a bychydic o win
a berỽ yn|da ac yf y bore a da yỽ. Rac dolur penn.
kymer. sud yr eidra. a vinegyr. a gỽynn·wy. a chym+
ysc ygyt. ac a hỽnnỽ ir dy dal. Heuyt kyuot
penn yỽ; kymryt sud yr eidra a bỽrỽ drỽy von as  ̷+
geỻ yn|y froeneu. ac ef a vynn aỻan y gỽlybỽr. ac
a|wna y penn yn iach. ac a loeỽa ỻeuuer y ỻygeit.
Rac dolur penn heuyt; kymer rut. a ffenigyl. a| ̷
morel. a|r eidra. a mortera a chymysc eu sud a vi  ̷+
negyr; ac ir y penn a hỽnnỽ yn vynych. Diaỽt
da rac dolur penn yỽ; kymryt y danhogen a|r ver+
veyn. a|r|wermot. a|r celidon. a|r henỻydan. a|r
greulys vaỽr. a|r saygh a|e morteru yn|da. a|chym+
ryt peth o|r greind y paris* a|e briỽaỽ a|e kymyscu
ac ỽynt. a|e berwi myỽn gỽin. ac|ychydic o vel. a|e
hidlaỽ drỽy liein glan a|e dodi y gadỽ. ac yfet o+
honaỽ gỽpaneit bychan y bore yn|gyntaf a|r nos
yn|diwethaf. Rac dolur penn heuyt; kymer rut a
ffenigyl a berỽ myỽn dỽfyr yn|da ac a hỽnnỽ golch
dy benn yn vynych. Rac chỽyd dissymỽth a del
myỽn penn dyn; kymer. wer hyd a mel. a blaỽt heid
a sud yr eidra. a morel. a berỽ myỽn padeỻ a dot