Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 85

Meddyginiaethau

85

penn; gỽna eli drỽy celidon ac emenyn a|gỽasc drỽy lie  ̷+
in a berỽ celidon. ac a|r isgeỻ hỽnnỽ golch dy benn ac ef.
Rac y kic drỽc; kymer saỽndyr ac alym. a|chopros. ac
atrỽm. a|verdygres. a|gỽna yn vlaỽt man. a bỽrỽ
arnaỽ. ac ef a|e ỻad gouot deudyd neu|dri. Ac ody+
na dot arnaỽ y tryỽ gỽedy morterer yn|oreu ac
y gaỻer a chymysc a mel glan a dot ỽrthaỽ y lo+
neit hyt na bo dim yn noeth ohonaỽ. a charth
yn lan dỽy·weith beunyd. ac yn ỻe gwir ef a|a
yn iach. Ac ony|cheffy y ỻysseu. a dywetpỽyt o|r
blaen kymer hudyl a ỻudỽ ỻopaneu. a|thrỽngk
sur. a chymysc ygyt yn da. a dot ỽrthaỽ o|e lad
megys y|dywetpỽyt o|r|blaen. a gỽna yn iach a|r
tryỽ ac a|r mel. Heuyt rac yr vn·ryỽ; kymer y|clym+
eu a|vyd ar yr elinaỽc. a dot adaued drỽydunt a
gat y|sychu yny vont digaỽn sych a gỽna bỽ+
dyr ohonunt a|bỽrỽ arnaỽ ac ef a|e|gỽna yn iach
heb ohir. Araỻ yỽ yn wir diogel. kymer benn gar+
ran a|e|thraet a|e choesseu. ac a gaffer yn noeth o|r
mordỽydyd a dot ỽynt y|grassu myỽn ffỽrn yn* vont
ual y|gaỻer eu|gỽneuthur yn vlaỽt man. a bỽrỽ
arnaỽ hỽnnỽ ac ar|uyrder ef a vyd iach. Rac y
kic drỽc heuyt; kymer lyffant du a ffust ef a gỽi+
alen yny vo hỽydedic a marỽ o lit. a chae arnaỽ
myỽn crochan prid hyt na del dim o|r mỽc y
maes nac awyr y myỽn. a rost ef yn|y crochan
veỻy yny el yn|dỽst a bỽrỽ hỽnnỽ arnaỽ veỻy
mal y|sycho kleuyt racdakymer gic mynn a ỻosc