Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 84

Meddyginiaethau

84

aruer ohonaỽ prouadỽy yỽ. Eli gỽyrthuaỽr rac pob
kyfryỽ gleuyt; kymer hen vlonec a|gỽer bỽch. a gỽer da+
uat a chod. a chỽyr. a|r berỽr. yr auans. y wermot. y
briaỻu. a|mortera yn|da. a|berỽ yn dỽys. a gỽasc drỽy
liein. a chadỽ gennyt da yỽ. Eli rac gỽaeỽ oeruelaỽc
a pharlis; kymer. y kegyt a|r alisandyr. a|r|ỻaỽagor.
a|r|annat. a|r kynghaf man; a|herbif. a throet y ỻeỽ. a
ỻawer o|r|dynat cochyon. a mortera yn|da. a chymer gym+
eint ac ỽynt o hat mỽstard. a|mortera yny vont yn
vlaỽt man. a berỽ y ỻysseu uchot y|myỽn emenyn
puredic. a hidyl drỽy liein yn|da. ac yn hỽnnỽ bỽrỽ y
blaỽt tra vo brỽt. a chadỽ gennyt. a da yỽ. Llyma
eli a|wnaeth Jpocras rac y parlis. ac rac pob kyfryỽ
waeỽ oeruelaỽc. kymer. geilyackỽyd bras a thynn y
vlonec ohonaỽ. a|r gymeint araỻ o|vlonec cath gỽ+
ryỽ. a|r trydyd kymeint o|vlonec baed coet. a deu
benn o wynwyn. a phỽys trugeint o|gỽyr newyd.
kymer heuyt y berỽr a|r|auans. a|r briaỻu. a|r jsop.
a|r wyden chỽerỽ. a mortera ygyt; a|dot y|myỽn
y keilyackỽyd. a rostyer tra retto dim ohonaỽ. a
chymer ỽynt o|r keilyackỽyd. a berỽer elchỽyl my+
ỽn emenyn a rosing. a|chod. ac ystor. ac albanỽm. a
libanỽm. a|hidler drỽy liein. a dotter y gadỽ yn|da.
ac irer yn da y clỽyf a|hỽnnỽ ỽrth y|tan pob ryỽ gle  ̷+
uyt oeruelaỽc iach vyd. Rac dolur penn; mortera ar+
ỻec ac wynwyn yn|da gyt a gỽer gafyr. a gỽna blas+
tyr ohonaỽ a dot wyth|diwarnaỽt ygkylch y|penn