Llsgr. Caerdydd 3.242 (Hafod 16) – tudalen 80
Rhinweddau Bwydydd
80
Or bỽyteir gyt a|ffigys sychyon; redegaỽc ynt. a|rei o+
honunt a vyd chỽerỽ. a|da ynt y|r dỽy·vron. agori kale+
dỽch yr auu a|r splen a|wnant. a|pheri kael urin. Frỽ+
yth y castanwyd; ardymherus yỽ yrỽng gỽres ac oer+
uel a sych yn|y rad gyntaf. kalet ynt ỽrth eu todi a
maỽr y magant. Frỽyth y palym o|r bydant aeduet
gỽressaỽc ynt a gỽlyb. da|digaỽn y|magant. ony bydant
aeduet kaledu a|wnant a|chadarnhau y kyỻa. Deu
ry* resing yssyd. vn glas a chỽerỽ. ac vn aeduet me+
lys. hỽnnỽ yssyd wressaỽc a gỽlyboraỽc. y rei chỽerỽ
yssyd oer a sych. Y rei melys aeduet a vyd goreu o+
ny byd ry deneu y croen eithaf. ac o|r bydant wlybo+
raỽc o|vyỽn; rydegaỽc vydant. Resing gỽyỻt vn.
natur uydant a|r|ỻe y tyfont. namyn y rei gỽressockaf
goreu ynt y|r dỽy·vronn. Y resing gỽynnyon; ysgaỽn
y magant. haỽd eu todi. ehangu y gỽythi a|pheri
vrin a|wnant. Y rei duon; kalet ynt ỽrth eu todi.
kadarnhau y kyỻa a|wnant. ac o thodant yn da
maỽr y magant. Resing heb groen ar eu graỽn
manweidyach ynt. Deu ryỽ genedyl o oliwyd
yssyd; vn a|vỽrỽ oleỽ o·honaỽ. araỻ dỽfyr. Yr vn y
daỽ yr|oleỽ ohonaỽ. mỽy y|mac no|r vn y|daỽ y|dỽfyr.
Kadarnhau kyỻa a|wna. ac yn bennaf o|r byd aeduet.
o|chymeryr gyt a gỽinegyr gỽressaỽc vyd. ony byd
aeduet iaỽn oer vyd. Oleỽ newyd|dyuot o wyd
duon; gỽressaỽc yỽ a|gỽlyboraỽc. medalhau kyỻa
a|wna yn|gyuartal. a ỻeithaỽ croth. Oleỽ a|wneler ym
| « p 79 | p 81 » |