Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 71

Meddyginiaethau, Y Pedwar Gwlybwr

71

a|e|gynnal yn|yr ardymher hỽnnỽ yny wyper a|diangho. a|e
adel dydgỽeith a nosweith kynn gỽneuthur medeginyaeth
heb na bỽyt na|diaỽt. ac odyna y dodi myỽn enneint. Os ty  ̷+
waỽtuaen vyd gỽneuthur medyglyn drỽy wenithgỽryf
gloeỽ kadarn a|r ỻysseu hynn.
C *Orff dyn a|gyuansodir o|r pedwar gỽlybỽr hynn.
Sanguis. Sef yỽ hynny gỽres a gỽlybỽr. ac vn
natur ac ef yỽ yr awyr ac amser wanhỽyn. a jeuengtit
a gỽynt y deheu. kanys gỽressaỽc a gỽlyboraỽc yỽ pob
vn o hynny. Yr|eil yỽ colera. Sef yỽ hynny gỽres a sych+
dỽr. ac vn natur ac ef yỽ y tan. ac amser haf a gỽrolder.
a gỽynt y gogled. gỽressaỽc a sych yỽ pob vn o hynny.
Fleuma yỽ y trydyd. Sef yỽ hynny gỽlybỽr ac oeruel
ac vn natur. ac ef yỽ yỽ* y dỽfyr. ac amser aeaf. ac otran
mab; a|gỽynt gogled. y rei hynny yssyd wlyb ac oer o
gỽbyl. Pedwyryd yỽ malencoli. Sef yỽ hynny oeruel a
sychdỽr. ac vn natur ac ef vyd y daear ac amser gynhaeaf.
a heneint. a malencoli a gỽynt gogled y rei hynny oỻ
yssyd oer a sych. Pỽy bynnac y bo y|rann vỽyaf o|r sanguis
yndaỽ; ef a vyd hael a charedic a hyfryt. a chỽerthinat. a
ỻiỽ coch a chanu yn da. a chynodic. a gleỽ digaỽn. a|rybu+
chedic. maỽr vyd y deissyf a maỽr vyd y aỻu. Y neb y  ̷
bo y rann vỽyaf o|r kolera yndaỽ; blewaỽc vyd. a thỽyllỽr

 

The text Y Pedwar Gwlybwr starts on line 10.