Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 36

Meddyginiaethau

36

ar|y dolur yn|dỽym gỽedy yd oero y gyntaf. a symut
ỽynt uelly yny vych iach. Rac y ffich. sef yỽ hỽn+
nỽ ryỽ gic a|dyf yn|y fỽndment; kymer. y llyssewyn
a elwir y cant gronyn. a gỽna bỽdyr o·honaỽ. a
bỽrỽ ar y dolur. neu dyro y sud idaỽ y|yfet. a iach vyd.
Y beri y waỻt dyfu; kymer lygoden a dryỽ. a dot ỽynt
myỽn crochan prid newyd ar|y tan yny aller gỽn+
euthur pỽdyr o·honunt. ac yna kymer oyl o lorer. a
blonec baed. a phyc. a gỽaet gafyr. a chymysc ỽynt
ygyt ar y tan myỽn padeỻ. a gỽna eli ohonaỽ. Araỻ
yỽ; kymer vlaỽt a wneler o|r kokyỻ. ac oyl a wneler o
velyn·wyeu. a gỽna blastyr ohonunt a|dot ỻe mynnych
vot gỽaỻt. Araỻ yỽ; kymer. vinegyr. a|r gymeint araỻ
o|oyl o ros. a galingal. a gỽna bỽdyr ohonaỽ. a dot y
pỽdyr a|r oyl a|r vinegyr. ac|yn gyntaf rugyl yn|da y
ỻe y mynnych dyfu y gỽaỻt a chlỽtt ỻiein. ac odyna
ir ef a|r eli hỽnnỽ. Rac gỽynt myỽn kyỻa dyn; dyro
idaỽ y|ỽ vỽyta y pỽdyr hỽnn. yn|y vỽyt; kymer origan a
deil y rut. ac anys. a chyarwei. a mintan. a chalamint
a meos. a girofre. mastic. ffrangk·encens. A gỽna bỽdyr
o|r rei hynny oỻ a|dyro idaỽ myỽn y vỽyt. Y ostỽng
hỽyd kymer. a cens*. a chann gỽenith a sud y walwort. ac
aych a morel. a hemloc. a|ffria ỽynt myỽn padeỻ ar|y
tan gyt a blonec gỽynn gỽyry a dot arnaỽ ỻe y|bo y
dolur; ac ef a weỻaa. ac o|r byd reit tỽym drachefyn a
dot ỽrthaỽ. a da yỽ. Araỻ yỽ; kymer deil prenn plỽmas
gỽynnyon. a|ỻinhat. a berỽ myỽn ỻaeth gafyr wenn
a|dot yn dỽym ar y dolur. a iach vyd. ~