Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 35

Meddyginiaethau

35

acens. a mastic ac ychydic o bybyr. a briỽ bob un o·ho+
nunt ar wahan. ac odyna kymysc ỽynt ygyt a|r blo+
nec oer. a|dot yr aryan byỽ gyt ac ef. ac ir y dolur ỽrth
y|tan. Araỻ yỽ; Kymer. wreid y tauol a briỽ a gỽasc eu
sud y|maes a|dot attaỽ ynteu sud kalament. a sud mil+
le·ffoyl. a sud llydan y ford. a|sud lancelte. a dot ygyt y
myỽn padeỻ ar|y tan gyt a blonec. ac a hỽnnỽ ir y
dolur pa|le bynnac y bo. Rac gỽaeỽ idỽu yn yr asgỽrn;
kymer. hat y morgelyn y|myỽn yr un ỻyssewyn. a dot
dan y lludỽ y rostyaỽ yn da. a|gỽasc trỽy liein yn da. ac
yna ef a vyd o hỽnnỽ. ac a hỽnnỽ ir y dolur. Araỻ yỽ;
kymer. oyl o ros ac ir ef. a dyro idaỽ y|ỽ yfet sud y says
gỽyỻt. ac isop. a gỽin. Araỻ yỽ; kymer. bys gỽynyon
a dot ỽynt myỽn padeỻ ar|y tan y grassu. ac odyna
gỽna bỽdyr o·honunt ac ir y ỻe y bo y dolur a mel
gloeỽ. a briỽ o|r pỽdyr hỽnnỽ arnaỽ. a dot lywan ar+
naỽ a|chlỽm arnaỽ. a gat ueỻy yny dygỽydy y ỽr+
thaỽ e|hunan. Rac gỽaeỽ; kymer. vlonec cath a|gỽer
dauat. a sud y|walwort. ac aych. ac o|r polipodij. a mo+
rel. a hock. a dot gyt. ac ỽynt vel. a phyc. a chỽyr ne+
wyd. a blaỽt gỽenith. a berỽ ỽynt ygyt myỽn padeỻ.
a|gỽedy berỽo yn|da. gỽasc drỽy liein. a dot myỽn blỽch
y|gadỽ. a|da yỽ rac pob ryỽ waeỽ. Araỻ yỽ; kymer
vlaỽt ryc a|dot gyt ac ef sud y walwort. a gỽna o·honaỽ
dỽy deissen. a chras ỽynt dan y|ỻudỽ. a gỽedy crassont
yn|da; kymer vn yn|dỽym ohonunt. a chrouenna yn
dỽy grouen. a|dot vn yn dỽym ar|y dolurac odyn* dot y|ỻaỻ