Llsgr. Caerdydd 3.242 (Hafod 16) – tudalen 25
Meddyginiaethau
25
a dot y|sud ygyt ac ỽynt ac ir|dy lygat gyt ac ef. Y beri|dyw+
edut. o|deruyd y|dyn golli y barabyl. kymer. sud y|says. neu
sud y prymrol. a|dot myỽn dy eneu. Rac chỽydu gỽaet;
kymer. mintan. rut. a botoni. a berỽ ỽynt yn|da myỽn ỻa+
eth a|dyro y|r claf. Rac gỽenỽyn; kymer. betoni. a sych ỽynt
a|gỽna bỽdyr. a chymer o|r|pỽdyr kỽnnỽ dỽyweith yrỽng
penn dy deu vys a|dot deir llỽyeit o|win gyt ac ef a berỽ
yny|el dan y|dryded rann yn|y berỽ. ac odyna yf|ef. Rac a+
nadyl brỽnt; kymer. sud y mintan coch a sud y rut. kyme+
int o|bob vn a|e gilyd. a|dot yn|dy|ffroeneu a|gat y weithaỽ
yno. Rac y dannoed neu|r|gỽewyr a|vo yn|y danned; kymer.
hat y morgelyn. a|hat y|kenhin. ac ystor. a|dot ỽynt
ar vaen teneu a vo gỽynyas; a gỽna bib. a dot y neill
benn y|r bib ar|y|dant lle y bo y dolur. a|r penn araỻ ar|y|ma+
en val y gallo y mỽc dyuot att y dant. ac ef a|lad y
pryf ac a|dynn y gỽewyr. ac na at dim o|r mỽc drỽy y
bib. Araỻ yỽ; kymer hat y morgelyn. neu|r ỻyssewyn
e|hunan. a ffenigyl. a|chỽyr newyd. ac ystor. a gỽna gan+
hỽyỻ o·honunt. ac ennyn hi. a gat y mỽc y vynet y|th
eneu ar y dant claf. a gỽna hynny yn vynych ac ef
a|lad y|pryf a|vo yn|y dant. ~ ~
M edeginyaeth y|r neb a vo yn dywedut drỽy y gỽsc;
kymer. lyssewyn a|elwir sỽdyrnwot. a thempra y
sud gyt a|gỽin gỽynn o|e yfet. Rac dolur caỻonn. ac
y wneuthur y dyn gael ewyỻys y vỽyta; kymer. centori
a berỽ trỽy hen|gỽryf yn|da. ac odyna briỽ ef myỽn
morter. a|r|eilweith dot ef y verwi yn|da. ac odyna hidyl|ef
| « p 24 | p 26 » |