Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 23

Meddyginiaethau

23

ỻyssowot. a chymysc ygyt a|gat y defni yn|y clust. Arall yỽ; kymer
wynwyn a gỽna bỽỻ yn|y genaỽl. a|dot vel yndaỽ a|dot y bobi
ar y|ỻudỽ. a gỽedy hynny briỽ ef a|gỽasc trỽy liein. A phan
elych y gyscu dot beth o·honaỽ yn|dy glust. Y attal gỽaet
o|drỽyn; kymer. y|bleỽ gỽynn a vyd ar|yr ysgyuarnaỽc a llosc
ef myỽn crochan prid newyd. a|chae arnaỽ val na|chaffo y
mỽc vynet y|maes a|briỽ a|dot myỽn dy|drỽyn. neu yn|y
brath ac ef a beit a gỽaedu. Pỽdyr y gaeu bratheu; kymer.
y mastic. ac ystor. Sandragon. Canel. aloen. Bool. Symphit
Colofonye. wns o bob vn ohonunt. a briỽ ỽynt yn van. a
dot o hỽnnỽ ar y|dyrnaỽt yn|y ỻe y bo esgyrn tỽnnRac y
crangk; kymer. borays. a|phybyr. a briỽ ygyt. a distempra
ef gyt a|sud yr wynỽyn. a|chyt a mel a darffo y lanhau ar|y
tan. ac a|hỽnnỽ ir yn galet yn|y ỻe y bo y crangk. ac ef a
vyd iach. Rac brath ki; kymer y|dynat cochyon. a morel
a mehin ir. ac emenyn. a|berỽ ygyt. a|gỽna eli a|dot ar|y
brath. Rac brath ki claf. kymer. dyrneit o lydan y|ford. a|dyr+
neit o|r tryỽ. a|mortera ỽynt. ac odyna dot wynn·wy a|mel
a|hen vlonec gyt ac ỽynt a|gỽna eli ac elia y brath ohonaỽ.
Rac gỽenỽyn; kymer centori. a beton. a says. a gỽm ays
a|r wermot. a|fenigyl. a radis. ac yf eu sud gyt a gỽin.
Rac brath neidyr; kymer garrei o groen hyd. a rỽym o|bob
hanner y|r brath. ac odyna kymer iar a thynn y pluf o|gylch
y thin yn vyỽ. a dot y thin ỽrth y brath. a|daly hi yno yny
gỽelych yn hỽydaỽ. ac odyna dot araỻ ỽrthaỽ a|daly yn|yr
vn mod yny dynner y gỽenỽyn oỻ y|maes. ac odyna dy+
ro idaỽ y|ỽ yfet dragancie. morel. a|r bengalet. neu centori