Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 21

Meddyginiaethau

21

M Edeginyaeth rac pob ryỽ dolur o|r a|vo myỽn gieu
neu|wythi. kymer y ỻyngher o|r daear. a chymer
wynỽyn a|gỽna bỽỻ yndaỽ a dot y llyngher yn|yr
wynỽyn. a|dot y bobi dan y ỻudỽ. ac odyna y dodi ỽrth y dolur
a gat ỽrthaỽ deir·nos heb y|symut. ac ef a|e gỽna ỽynt yn
iach yn|wir. Llyma ual y kedwir dyn brathedic; na vỽytaet
na|chaỽs. nac emenyn. nac wyeu. na physgaỽt mor na|chic ei+
dyon. ac na wnel godineb. Medeginyaeth rac y postỽm; ky+
mer y rut. a|chỽmin. a mehin moch. a blaỽt gỽenith a berỽ
myỽn gỽin gỽynn. ac oyl. a|chymysc yn|da ygyt a|dot ar|y
postym. a|phan vo yn aeduet digaỽn ac yn pennu agor arnaỽ
a|gollỽng ef y|maes. ac odyna dot wareth yndaỽ. a iachaa ef ual
brath araỻ neu dyrnaỽt a iach vyd. Rac cornỽyt; kymer lysse+
wyn Jeuan. a blonec tỽrch. neu vlonec caprỽn. a ỻyngher. a|briỽ
ỽynt ygyt a|dot ar|y dolur. a iach vyd. Rac pissaỽ gỽaet; kymer
y ỻyssewyn a|elwir wytrỽf. ac yf ygyt a|gỽin tỽym. neu gỽryf
tỽym a iach vyd. Y attal pissaỽ; kymer. angheỻed moch. a llosc. a
gỽna bỽdyr o·honunt. a|dyro idaỽ yn|y vỽyt ac yn|y diaỽt. Rac
yr|ic; kymer win a|rut. a phybyr. a|r vedon chỽerỽ. a|chymysc yn
da ỽynt a|dyro idaỽ y|ỽ yfet. Rac yssic myỽn ewin. kymer. vlaỽt
gỽenith a mel. a|chymysc ygyt a|dot arnaỽ. a|da yỽ. Y wneuthur
danned yn wynnyon; kymer. geingenneu o|r gỽenith a ỻosc yn
lo. ac a|r|glo hỽnnỽ rugyl dy danned. Rac anadyl brỽnt kymer
sud y mintan. a sud y rut. a dot myỽn dy froeneu a hynny a
gadarnhaa yr emennyd ac a|dilea|y brynti. Araỻ yỽ; kymer sud
yr|eido. a bỽrỽ ef myỽn dy froeneu. a mortera y ros a berỽ y my+
ỽn gỽin. neu y myỽn mel. a|hidyl ef drỽy liein. a|dot myỽn dy