Breudwd Rhyddiaith Gymraeg 1300-1425
English

Llsgr. Caerdydd 3.242 (Hafod 16) – tudalen 12

Rhinweddau Bwydydd

12

godorth a hỽyd a|wnant a|pheri urin. Cỽmin; gỽressa+
ỽc ynt yn|y|dryded rad. a|sych yn|yr eil rad. a sych yn|y be+
dwared. torri mygodorth a|gỽaret dolur a ỻoscuan croth
a|wnant. Gwinegyr; oer yỽ yn|yr|eil|rad a|sych yn|y bedỽ+
ared. Wrth hynny rac gỽannet y oeruel ef; ebrỽyd yd|a
drỽy y korff y|r ỻeoed eithaf. kulhau a|wna a|thenehau.
Pob kic. gỽressaỽc yỽ. a|gỽlyb y vagedigaeth. meithrin
ỻawer o|waet. vn amgen yn vỽy araỻ yn ỻei. Kic hỽch;
ardymherus yỽ o wres a gỽlybỽr. a|gỽeỻ y|mac a gỽeỻ
yỽ y gỽaet a wna no chic araỻ. Kic perchyỻ; gỽlybach
ac oerach yỽ. Kic mynn. ardymherus yỽ; a gỽaet da a|wna
a da y mac. Kic gafyr; gỽaet drỽc ỻetynuyt oer sych a
wna. Kic eidyon; praff y mac a thrỽm. ac anaỽd y|dodi. a
malencoli a|wna. Kic ỻo; ardymherus yỽ. a gỽaet da
a|wna. ac megys y mae da yr|wyn a|r mynneu yn ieue+
ingk. veỻy y ỻoi. a ỻyma y reol gyffredin. Drỽc yỽ kic
pob etiued o vam wlyboraỽc yn|y ieuengtit o achaỽs gỽ+
lybỽr y oedran a|gỽlybỽr y|vam; velly yng|gỽrthwyneb y
hynny y|mae da kic ỻỽdyn a|aner o vam sech. Pob frỽ+
yth mam wlyboraỽc yssyd anhoff yn|y ieuengtit megys
oen. hoff amgen vyd o hynny aỻan. ac o vam sech hoff
vyd yn|y ieuengtit megys mynn. ac anoff o hynny aỻan.
Meheryn ieueingk; ỻei yỽ eu gỽlybỽr no|r|deueit a|gỽ+
eỻ yỽ y gỽaet a wna eu kic. Ny dygymyd kic y deueit
onyt a|dynyon a|vo sych eu complexiỽn. kanys meithrin
fleuma a|wna. Kic myỻt; ebrỽyd y todir. a gỽeỻ y mac.
Kic bras medalhau croth a|wna. ac anaỽd yỽ y dodi. Kic