Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 96v

Brut y Brenhinoedd

96v

nỽ. ac na|s dychymygessynt e ffychtyeyth trwyd+
vnt e hvneyn. Ereyll a|e dyheỽrynt en hollaỽl y g+
an y ryw weythret hỽnnỽ. Ac ena eyssyoes ar peth h+
ỽnnỽ en agheỽgant tat maethev e dev vroder nyt
amgen vther ac emreys a ffoassant ar meybyon ka+
nthỽnt hyt em brytaen vechan rac eỽ llad o ortheyrn
wynt. Ac eno y harvolles wynt emhyr llydav. ac o|r a+
nryded y dyleynt e perys ew meythryn.
AC gwedy gwelet o ortheyrn nat oed nep en e te+
yrnas a emkyffelyppey nac a emkyfvchey ac ef ef
e|hỽn a dodes coron e teyrnas am y penn. ac a aeth tros
y gyt tewyssogyon. Ac o|r dywed gwedy bot en danlle+
wychedyc ac en honneyt y vradvryaeth ef trwy e gw+
ladoed kyvody a orvgant en|y erbyn pobloed er enyssed
en|y kylch er rey a dỽgessynt e ffychtyeyt hyt er alban.
kanys llydyav a gwnathoedynt e ffychtyeyt wrth ry
lad eỽ kytvarchogyon o achavs constans. Ac y gyt a he+
nny hevyt govalvs oed o achavs y ỽot pevnyd en kally*
y lw en pevnydyavl emladeỽ henny. A hevyt goval oed
arnav o|r parth arall rac oỽyn emreys Wledyc ac vth+
yr pendragon y vraỽt entev. er rey megys y dywe+
dassam ny wuchot a ffoessynt hyt en llydav racdav