Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 85v

Brut y Brenhinoedd

85v

nav e mynnvs ef o|y kytvarchogyon kymryt
gwraged o|r rey e gellynt meythryn plant er
rey a vey tragywydavl treftadogyon ar e w+
lat honno. A megys na bey nep kymysc en|e
byt en ev kenedyl ef a vynnvs o* vynnvs* o enys
prydeyn kyrchv gwraged vdvnt. Ac vrth he+
nny anvon kennadeỽ a orvc kynan meyryad+
avc hyt en enys brydeyn at dvnaỽt brenyn ker+
nyw e gwr a dothoed en lle karadavc y braỽt.
ac ar e kyvoeth ac erchy ydav ef perffeythyaw
e neges honno. kanys gwr bonhedyc oed hvn+
nv a chyvoethavc. ac ydav e gorchymynnassey
vaxen llywodraeth er enys honn en|y absen h+
yt tra edoed entev en goreskyn e gwladoed rac+
dav. Ac yr gwr hvnnv ed oed merch anryved
y phryt a|e theket a honno a vynney ky·nan me+
yryadavc y chaffael en wreycca ydaỽ e|hvnan.
AC gwedy gwelet o dvnaỽt kennadev kyn+
an ac ev neges ef a vynnỽs vfydhav o|y ne+
ges. Ac wrth henny ef a kynvllvs vn vyl ar dec
o verchet dyledogyon trwy holl teyrnassoed
ynys prydeyn. Ac o verchet er rey a vey ys ev
boned ar tyr·dywyllodryon ed erchys kynnỽ+