Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 82r

Brut y Brenhinoedd

82r

ar gwyrda a kyghorassant keyssyaỽ vn
dyledavc o lyn er amherodryon ac y hvn+
nỽ rody de verch y gyt a choron e teyrnas
kanys wynt a edewynt kaffael gwastat a t+
hragywydavl hedvch trwy henny tra vey
rvueynavl kyvoeth en ev hamdyffyn. Ac
vrth henny e bv teylvng gan dyw anỽon
e gwas yevanc hvnn bonhedyc o lyn er rỽ+
ueynwyr. ac o vrenhynavl kenedyl e bryta+
nyeyt. ac o|m kyghor y de verch a rody yd+
aỽ hep annot a choron e teyrnas y gyt a hy.
Ac ony wney henny pa dylyet essyd y ty ar
enys prydeyn mwy nog ydav entev. kanys
kar yw ef y cỽstennyn a ney y coel en brenyn
nynhev er hvnn ny allvn ny gwadv helen y
verch ef y ryvot en vrenhynes arnam ny
Ac vrth henny o treftadaỽl delyet ef a dely k+
affael brenhynyaeth enys prydeyn. Ac gw+
edy daruot y karadavc dywedwyt er amadrodyon
hynn evdaf trwy kyffredyn kyghor y wyrda
ef a rodes y verch ydav a|theyrnas er enys y
gyt a hy. Ac gwedy gwelet o kynan meyry+