Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 77v

Brut y Brenhinoedd

77v

kytemdeythyon a|e annwylyeyt keyssyav
gwnevthvr brat ac aghev trahayarn. Ac
vrth henny yarll e mynyd kadarn e gwr
a karey evdaf en wuy no nep a lafvryỽs em
blaen paỽb yr gweythret hỽnnỽ. kanys dy+
wyrnaỽt ed oed trahayarn en mynet o kaer
Lvndeyn y emdeyth er racdywededyc yarll
a theyr myl o varchogyon y gyt ac ef a emkỽ+
dyvs em meỽn glyn e fford e dewey trahayarn
ac en dyrybvd a kyvodassant am y penn ac|a|e lla+
dassant em plyth e kytvarchogyon. Ac y gyt
ac e kennattawyt henny y evdaf entev en dya+
nnot a devth trachevyn hyt en enys prydeyn.
ac gwedy goreskyn a gwascarv er rvueynwyr
e kymyrth entev coron e teyrnas er eylweyth.
Ac odyna kymeynt wu y clot a|e volyant
o amylder evr ac|aryant ar vyrr amser ac
nat oed haỽd kaffael er eyl a kyffelyppyt
ydav. Ac o·dyna evdaf a lywyavd yr enys
hyt ar oes Gratyan a valentynyan.
AG o|r dywed gwedy trewlyav evdaf o hene+
ynt medylyav a orỽc pa wed e llvnyethey