Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 76v

Brut y Brenhinoedd

76v

ef en llwyr a kynnỽllỽs llw enys prydeyn. ac
a aeth y gyt ac wynt hyt en rvueyn ac a|e go+
reskynnỽs. ac odyna a kaỽas llywodraeth er
holl vyt. Ef hagen a dvgassey y gyt ac ef try
ewythred helen y ỽam. nyt amgen. llywelyn.
trahayarn a mevryc. ar rey henny a|ỽrdvs en+
teỽ en senedavl vrdas. Ac en er amser hvnnv
e kyvodes evdaf yarll ergyng ac ewas en er+
byn y tewyssogyon ar ry adavssey cvstennyn
en kynhal er enys vrth rvueynyavl telyngdaỽt
ac evdaf. a emladvs ar rey henny ac a|e lladavd
ac a kymyrth e hwn llywodraeth enys prydeyn.
Ac gwedy mynegy henny y cvstennyn entev a
envynnvs trakayarn ewythyr helen a theyr
lleng o wyr emlad y gyt ac ef y kymhell en+
ys prydeyn trachevyn vrth rvueynyavl ved+
yant. Ac gwedy dyskynnv trahayarn ar e tra+
eth ker llav kaer perys ef a kyrchvs am pen e
dynas. ac en espeyt devdyd ef ae kavas. Ac gwe+
dy henny e chwedyl hvnnv trwy er holl wla+
doed. evdaf vrenhyn a kynnvllvs holl wyr
arvavc enys prydeyn. ac a devth en|y erbyn