Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 72v

Brut y Brenhinoedd

72v

a orỽc lybyỽs gallỽs ketymdayth allectỽs
kynvllaỽ er rey ar dy·angessynt o|r rỽueyn+
wyr attaỽ y lỽndeyn a chadw e pyrth ar ke+
styll arnadỽnt a medylyaỽ keyssyaỽ gvrth+
wynebỽ odyna yr brytanyeyt neỽ enteỽ go+
chel e kyndrychaỽl aghev oed eny* eỽ herb+
yn. Ac gwedy gwelet eissyoes o asclepyodo+
tvs henny kylchynỽ e dynas a orvc entev. ac
en dy·annot anvon kennadev a wnaeth at h+
oll tewyssogyon enys prydeyn a dywedwyt ỽ+
dỽnt ry lad ohonav ef allectỽs a llawer o|vyly+
oed y gyt ac ef a|e vot entev en eyste vrth lỽn+
deyn. ac eu gwarchay endy er hyn a dyan+
gasai o|r rỽueynwyr endy. Ac vrth henny
erchy y pavb o tewyssogyon enys prydeyn
en kytdvhvn ac en dyannot dyvot hyt
attav ef en porth ydaỽ. kanys ef a tebygey
bot en|eskavyn vdvnt dywreydyaỽ er rỽuey+
nwyr o|r enys os o kytdỽhvndep pavb ed emle+
dynt ac|wynt Ac ena wrth y kennadev ef e doy+
thant e deheỽwyr ar Gwyndyt. a gwyr deyfyr
a brenych ar albanwyr ac y gyt a henny pavb