Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 72r

Brut y Brenhinoedd

72r

enys prydeyn en dyannot emlad a orvgant a
charavn. ac gwedy y lad kymryt coron e teyr+
nas a wnaeth allectỽs. Ac odyna dyrvavr ty+
mhestyl a dyporthes yr brytanyeyt er rey a
emadavssey a chyhoed rvueyn; ac ar athoed+
ynt ar karaỽn. Ac ỽrth henny trwm e kyme+
rassant e brytanyeyt henny. a chymryt ascle+
pyodotvs yarll kernyw ac vrdav hỽnnỽ en ỽre+
nyn ar·nadvnt. ac o kyffredyn kyghor a|chyt+
synhyedygaeth mynet a orvgant am benn
allectvs a|e kymhell y emlad ac wynt. Ac en
er amser hỽnnv ed oed entev en llvndeyn en
gwneỽthvr gwylva o|y tadolyon dwywev
ef. ac y gyt ac y kygleỽ ef dyvodedygaeth e b+
rytanyeyt emadaỽ a|e aberthev a orvc ac y
gyt a|e holl kedernyt kyrchv e brytanyeyt
a orỽc a chalettaf aerva o pob parth a orỽ+
gant. Ac eyssyoes trechaf wu asclepyodotvs
ar brytanyeyt a gwascarw er rỽueynwyr
a wnaethant ac eỽ kymhell ar ffo ac eỽ hym+
lyt a llad llawer o vylyoed onadvnt a llad
allectỽs ev brenyn. Ac gwedy damweyn+
yav y wudvgolyaeth yr brytanyeyt. sef