Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 70v

Brut y Brenhinoedd

70v

o|r rey eydav y gyt ac ef. a svlyen a vrathw+
yt en aghevavl. Ac odyna e cladwyt severvs
enghayr efrawc er hon a kavssant y lengho+
ed rỽueynwyr entev. A dev vab a adovssey* en+
tev ac esef oedynt er rey henny bassyan a Get+
ta a mam Getta a hannoed o|r rvueyn. a mam
bassyan a|hannoed o|r enys honn. Ac gwedy m+
arv ev tat esef a orvgant gwyr rỽueyn kymr+
yt Getta en vrenyn a|e kanvrthwyav oc ev ple+
yt wyn kanys o|r rvueyn ed hannoyd y vam. Ac y+
sef a orvgant e brytanyeyt gvrthwynebv y he+
nny ac ardyrchaỽael onadvnt wyntev bassyan
en vrenyn kanys y vam entev a hannoed o enys
prydeyn. Ac|odyna en kynydv brwydyr er·ryg+
thvnt ac|ena e|llas Getta. ac e kavas bassyan e vre*+
nnyhaeth trwy nerth e brytanyeyt.
AC en er amser hvnnv ed oed yno gwas yev+
anc a elwyt karavn. ac nyt oed vonhedyc.
Ac eyssyoes en llawer o emladev klotvavr oed
o|e dewred ac o|e|davn. Ar gwas hvnnv a|kerdavd
racdaỽ hyt en rvueyn. ac erchy kannyat y g+
wyr sened rvueyn y kadv enys prydeyn ar lon+