Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 69v

Brut y Brenhinoedd

69v

ỽrth rvueynyavl ỽedyant tracheỽyn. Ac gwe+
dy y dyỽot y tyr ynys prydeyn ef a dechrewys
ymlad ar brytanyeyt ac a oreskynỽs rann ona+
dỽnt ar rann arall ny allỽs eỽ goreskyn o kalett+
af a chreỽlonhaf ymladeỽ a goỽalỽs hyt pan
wu reyt ỽdỽnt ffo hyt yr alban tros deyfyr a
brenych yn y gogled. Ar rey eyssyoes a sỽlyen
yn tywssaỽc ar·nadỽnt oc|eỽ holl lafỽr yn gwr+
thwynebỽ ac yn daly yn erbyn yr rỽueynwyr.
ac|yn ỽynych yn gwneỽthỽr  aerỽaeỽ o|r rỽue+
ynwyr ac o|r brytanyeyt a oedynt y gyt ac wynt.
kanys kynnvllaỽ a galw attadvnt a wneynt
paỽb o|r keffynt o|r ynyssed yn eỽ kylch yn kann+
wrthwy ỽdỽnt. ac yỽelly yn vynych yd ymchwe+
lynt y gyt a bvdvgolyaeth. Ac ỽrth hynny gor+
thrvm wu kan yr amheravdyr dyodef eỽ ky+
rcheỽ ac ev ryvel arnaỽ. ac vrth hynny yd
erchys yr amheraỽdyr gwnevthỽr klaỽd o|r
mor pwy gylyd yr·rwng dyfyr a brenych a|r|al+
ban megys y bey haỽs gwahard eỽ kyrcheỽ
wynteỽ. Ac o kyffredyn trevl y gwnaethpwyt.