Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 67v

Brut y Brenhinoedd

67v

ghvs ynteỽ hyt yn rỽueyn at eleỽter pap y
erchy ydaỽ anỽon attaỽ gwyr ffydlaỽn dy+
skedyc yg crystonogaỽl ffyd trwy pregeth a
dysc yr rey y galley ynteỽ credỽ y cryst. kanys
y gwyrtheỽ ar anryỽedodeỽ a kylywey ef tr+
wy pregethwyr cryst ar let y bydoed ry daro+
ed vdỽnt yglỽraỽ a goleỽhaỽ y gallon ynteỽ
vrth credỽ y crist y achwydaỽl. Ac wrth hynny
o|y war dessyỽedygaeth ef ỽfydhaỽ a orỽc y pap
hỽnnỽ. ac anỽon a orỽc deỽ dyskyawdyr cred+
yfỽs. Ac ysef oedynt yr rey hynny dwywan a
ffagan. ar rey hynny a pregethassant ydaỽ ef
dyỽodedygaeth cryst yg cnaỽt ac a|e golchas+
sant ef o|r lan ffynnyaỽn ỽedyd. ac|a|e hymchw+
ellassant ef ar cryst. Ac yna hep ỽn gohyr o pop
gwlat y pobloed o agrheyfft eỽ brenyn ymkyn+
nwllaỽ ac o|r ỽn ryw ffynhaỽn ỽedyd honno ym+
lanhaỽ ac ymkyssyllỽ a theyrnas nef.
AC gwedy darỽot yr gwynỽydedygyon dys+
codryon hynny golchy a dyleỽ agcret trwy
holl ynys prydeyn hayach y templheỽ yr rei a
a* oedynt aberthedyc yn anryded yr geỽ dwyweỽ