Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 62v

Brut y Brenhinoedd

62v

chỽ gwyr rỽueyn a orỽgant. ac en wychyr dech+
reỽ ymlad a orỽc Gwydyr. a mwy a ladey ef e|hỽn+
an a|e ỽn cledyf o|e elynyon noc a ladey yr rann wu+
yhaf o|e lw. Ac aỽr pob aỽr y medylyey Gloew kes+
sar ffo a chyrchỽ y longheỽ. ar rỽueynwyr yn hol+
laỽl yn gwascarỽ. pan aeth y twyllwr gan haymo
a|bỽrỽ y ar·ỽeỽ e|hỽn y am·danaw a chymryt arỽ+
eỽ ỽn o|r brytanyeyt a ladydoed amdanaỽ. ac|yn ry+
th ỽn o|r brytanyeyt ymlad a|e wyr e|hỽn ac annoc y
brytanyeyt y emlad megys kyt bey ỽn onadỽnt ỽey
ef a dywedwyt bot y wudỽgolyaeth ar Gorỽot yn
eỽ llaw o pherheynt yn ymlad megys yd oedynt.
kanys yeyth y brytanyeyt ac eỽ moes a dyskassey
ynteỽ yn rỽueyn ym plyth gwystlon y brytanyeyt
yn rỽueyn. kanys yn eỽ plyth y megessyt. Ac ody+
na trwy blyth y bydynoed dynessaỽ a orỽc hyt p+
an ỽyd ker llaw y brenyn. Ac gwedy kaffael o·honaỽ
ef lle ac amser y gyt a|e cledyf llad penn y brenyn a
orỽc. Ac odyna y gyt ar eskymỽn wudỽgolyaeth
honno llythraỽ a orỽc trwy ỽn trwy arall hyt pan
ỽyd ym plyth y lw e|hỽn. Ac yna y deỽth Gweyryd vre+
nyn ac gwedy gwelet o·honaỽ y ỽraỽt gwedy ry lad