Llsgr. Caerdydd 1.363 (Hafod 2) – tudalen 56v
Brut y Brenhinoedd
56v
ef a kychwynnỽs ar y mor y gyt ac aneyryf am+
ylder marchogyon kan darmerthỽ ac awydaỽ
gwneỽthỽr damwnedyc aerỽa o|r brytany+
eyt. a hynny hep amheỽ a wnathoedynt pey
ry delhey eỽ llyghes yn yach ganthỽnt yr tyr.
Ac wrth hynny ny allỽs ef dwyn y dyhewyt ar
weythret. kanys hyt tra|ydoedynt yn hwylyaỽ
ar hyt kanaỽl themys yn kyrchỽ parth a llỽnde+
yn yd aethant eỽ llongheỽ ar y poly·on heyrn
ar ry dywedassam ny wuchot. a chan yr rey hynny
y dyodefỽassant dyssyỽyt perygyl agheỽaỽl hyt
pan ỽodassant hyt ar ỽylyoed o ỽarchogyon. ka+
nys gwedy tyllỽ y llongheỽ ar y polyon heyrn h+
ynny y deỽth y dỽfyr ym meỽn a ssỽdaỽ y llongheỽ
a dan y weylgy. Ac gwedy kaffael o Wlkessar gw+
ybot hynny y gyt a dyrỽaỽr o lafỽr ac gofỽt tr+
ossy yr hwylyeỽ a orỽgant parth ar tyr. Ar rey
a wuessynt yn ỽeynt perygyl honno ac a kaỽss+
ant o ỽreyd y tyr. A phan wles* kasswallaỽn y
ar y lann y dymhestyl honno arnadỽnt llawen+
haỽ a orvc o achaỽs bodi. y saỽl a ỽodes onadỽ+
nt. a thrystav o achaỽs dianc yr rey ereyll. Ac g+
wedy rodi. arwyd ohonaỽ o|y kytỽarchogyon
| « p 56r | p 57r » |