Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 4v

Brut y Brenhinoedd

4v

brenyn groec ar amadraỽd hỽn yndỽnt.
Brvtỽs tewyssaỽc gwedyllyon kenedyl
tro yn anvon annerch y pandrasỽs brenyn
groec. kanys antheylwng ac an·wedvs oed yg+
lwr ettyỽed a chenedel dardan eỽ traethỽ y|th
kyỽoeth di yn amgen noc y deley eglỽrder eỽ
bonhed wynt. wrth hynny yd aethant wyntev
yr koedyd ac yr dyffeythỽch. kanys dewyssach
yw kanthỽnt o bwystỽylaỽl deỽaỽt ymborth ar
cyc ac ar lyssyevoed kan kynhal eỽ rydyt pella+
ch. noget arỽerỽ o pob melyster a dygryfỽch
a ỽo hwy adan keythywet. Ac os peth hỽnnỽ a
godha dy deylyctavt ty ny dyleyr y etmygỽ ỽ+
dỽnt wy hynny. kanys annyan pob kaeth yw
ỽchenedyaỽ ar y rydyt ac ymchwelỽt ar y hen
teylyctavt. Ac wrth hynny gwna trỽgared ac w+
ynt. a channhyatta eỽ rydyt vdỽnt ar dyffeyth+
vch ar achvbassant gat ỽdỽnt y presswylyaỽ
neỽ ynteỽ kannhyatta wynt y ỽynet y wlado+
ed ereyll y gyt a|th karyat y keyssyaỽ dayar a
kyỽanhedont. ac a presswylyont.
Gwedy gwelet ac atnabot o pandrasỽs