Llsgr. Caerdydd 1.363 (Hafod 2) – tudalen 30r
Brut y Brenhinoedd
30r
AC gwedy hynny ym penn yspeyt y kyỽodes
molyant a chlot Gwas yeỽanc clotỽaỽr.
Ac ysef oed hỽnnỽ dyfynwal moel mỽt map
klytno tywyssaỽc kernyw. Ac o pryt|a theg+
ỽch a glewder rac·ỽlaenỽ a wnaey rac holl ỽr+
enhyned ynys prydeyn. Ac gwedy marỽ y tat
a chaffael o·honaỽ ynte y kyỽoeth. kyỽody a or+
ỽc dyfynwal yn erbyn pymer brenyn lloegyr
a dechreỽ ryỽelỽ arnaỽ. a|e lad a gorescyn y ky+
ỽoeth. Ac gwedy llad pymer kytdỽunaỽ a wna+
ethant y gyt nydaỽc ỽrenyn kymry ac Ssta+
ter brenyn y gogled. a gwedy ym·arỽoll o+
nadvnt dechreỽ llỽdhaỽ am penn kyỽoeth dy+
fynwal ac anreythyaỽ y gwladoed ac eỽ lloscy.
Ac yn|y lle yn dyannot dyfynwal a deỽth yn eỽ h+
erbyn a dec myl ar rỽgeynt o wyr arỽaỽc ga+
nthaỽ ar rody kat ar ỽaes ỽdỽnt. Ac gwedy tre+
ỽlyaw llawer o|r dyd ac na weley dyfynwal y|w+
udỽgolyaeth yn damweynnyaỽ ydaỽ. ef a kym+
yrth attaỽ ar neylltỽ chwechanỽr o|r gwey·ssyon
yeỽeync glewhaf a wydyey ac erchy y pob ỽn
o hynny Gwyscaỽ arỽeỽ eỽ gelynyon yr rey ry
ladessyt. ac ynteỽ e|hỽn a wiscyỽs y arỽeỽ ac
| « p 29v | p 30v » |