Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 26r

Brut y Brenhinoedd

26r

ellwng y ỽarchogyon a orỽc oll ymdeyth eyth+
yr ỽn y gyt ac ef. Ac gwedy y ỽelly rynnaỽd
ohonaỽ. dwyn ar gof a orỽc y kyvoeth a hen
teylyngdaỽt a|e anryded. a|e ỽedyant. a thr+
ystaỽ yn ỽaỽr a medylyaỽ am ỽeynt y trweny
ry dygwydassey ynteỽ yndaỽ. a medylyaỽ he+
ỽyt gowyaỽ y ỽerch ar ry athoed ydaỽ y ffre+
ync. ac oỽynhaỽ hynny heỽyt a orỽc rac mor dy+
garat y gellyghassey y ganthaỽ. Ac eyssyoes ny
allỽs ef a|ỽey hwy dyodef enỽyget ac amarch ky+
meynt ac a oed arnaw. Ac yna kych·wyn parth|a
ffreync a wnaeth. Ac gwedy y ỽynet ym mevn y
llong ac na weley nep vrth y oscord ef namyn
ar y trydyd. kan wylaỽ e dywavt ef yr amadr+
aỽd hỽnn. A|e chwy·chwy yr anweledygyon tyg+
hetỽeneỽ pa le y kerdvch chwy tros ych gnotae+
dygyon hynt. pa achaỽs yd ardyrchaỽasaỽch ch+
wy ỽyỽy eyryoet ac ar orwchelder anryded.
kanys mwy poen yw koffaỽ prythỽerthỽch a
chyỽoeth gwedy y koller. noget dyodef aghan+
 ctyt hep ordyfneyt prythỽerthvch kyn no hynny.