Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 200v

Brut y Brenhinoedd

200v

gwedy dynessav attav ac atnabot y bravt me+
gys hayach llewygv rac ovyn o drycdamweyn
y attnabot o nep a kaffael o|y elynyon a|e daly.
Ac gwedy karedygyon cvssannev ac geyryev
rybwchedyc ar|vyrrder megys amadraỽd ar+
all hy a vynegys o|y braỽt ansaỽd e llys ac a da+
ngosses ydav e dewyn ed oed en|y keyssyav. kan+
ys ef a dothoeth y orymdeyth ym plyth y redv+
ssyon tra ed|oedet en rannv alvssenev vdvnt.
Ac gwedy atnabot o vreynt e dewyn. ef a erchys o|y chw+
aer en nos honno keyssyav dyvot en lledrat o|r
llys hyt attav entev o dyeythyr e kaer ker llaw
hen temphyl oed en agos er dynas ac entev a|e
haroey hy en llechv em penn e karrec|honno.
Ac en e lle ed aeth breynt em plyth toryf o|r re+
dvssyon. ac en parth ed oed e dewyn en ev roly*.
A hep vn gohyr pan kavas ef ryt ar y kyflav+
an. ef a dyrcheỽys y Wrdvn ac a want e dewyn
a dan y vron. ac o|r vn dyrnavt e lladavd. Ac en
e lle bwrv y vagyl o|y law ac ymkvdyav em pl+
yth er anghanogyon ereyll hep y atnabot o
nep nay tybyav. a chan kanhwrthwy dyw