Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 19r

Brut y Brenhinoedd

19r

kymell ar ffo. Ac yn|y ffo hỽnnỽ y bodys hỽmyr
ar yr aỽon honno. ac edewys ynteỽ y enw ar er
aỽon yr hyn hyt hedyw. Ac gwedy kaffael o
locrinỽs y wudvgolyaeth honno rannỽ yr es+
peyl o|y kymtemdeythyon* a orỽc hep adaỽ dy+
m ydaỽ e|hỽn eythyr teyr morwyn anryỽed eỽ
pryt ac eỽ tegỽch a kaỽas yn e llogheỽ. Ar pennh+
af o|r teyr morwyn hynny oed verch y ỽrenyn ge+
rmanya. ac a|dvgassey hỽmyr kanthaỽ pan wu+
assey yn anreythaỽ y wlat honno. Sef oed enw
y ỽorwyn honno essyllt. ac|nyt oed haỽd kaffael dyn
kyn deket na chymryt a hy yn yr holl ỽyt. kanys
gwynnach oed y chnaỽt no|r echtewynnedyc ascỽ+
rn morỽyl. ac no dym o|r a ellyt dyharebỽ o·hon+
aỽ. A dyrỽavr sserch a charyat a dodes locri+
nvs arney a mynnv y chymryt en wreyc wely
ydaỽ. Ac gwedy klybot o coryneỽs hynny lly+
dyaỽ a orỽc yn ỽavr kanys kyn no hynny ry wn+
athoed locrinỽs amỽot y kymryt y ỽerch ef yn
AC wrth hynny kyrchv lo +[ wreyc ydaỽ
crinvs a wnaeth coryneỽs a dan treyglaỽ
bwyall deỽuynyaỽc yn|y law y deheỽ a dywedwyt
wrthaỽ yr amadraỽd hỽnn. A|e megys hynn locrin+
ỽs y tely  di y my y ssaỽl ỽraetheỽ a gwelyeỽ a kyme+