Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 194r

Brut y Brenhinoedd

194r

o|r brytanyeyt attav ac en kyt·dvun en ol edelflet ed
aethant trwy hwmyr. A phan kygleỽ edelfflet he+
nny entev a kynnvllỽs er holl saysson attaỽ. Ac o+
dyna val ed oedynt o pob parth en bydynav e de+
vthant ev kyt·ymdeythyon o pob parth ac e gwn+
aethant tangnheỽed er·ryngthvnt ar e wed honn.
gadv y edelfflet e parth trav y hwmyr en|y vedya+
nt. ac y katvan e parth yman. sed* oed henny. llo+
egyr. a chernyw. a chymry. a choron e teyrnas. a
chadarnhaỽ henny trwy arỽoll a gwystlon. Ac gw+
edy darỽot henny. kymeynt wu ev kytymdeythas
ac ed oed pob peth en kyffredyn er·ryngthvnt. Ac
odyna o darfỽ gan edelfflet gwrthlad y wreyc pr+
yaỽt a chymryt Gwreyc arall. a chymeynt wu e
kas ar e wreyc a wrthodes a hyt pan y dyholyes o|y
holl kyvoeth. Ac ena eyssyoes ed oed e wreyc honno
en ỽeychyaỽc. a hyt at kadvan e kyrchavd y keyssy+
aỽ y porth ef megys e galley hytheỽ kaffael kymot
gan edelfflet. Ac gwedy na alley kaffael o nep fford
en e byt. hy a presswllyaỽd en llys katỽan hyt p+
an escores e map oed endy. Ac en e|lle gwedy hen+
ny e ganet map y katỽan o|y vrenhynes enteỽ
kanys en er vn amser hỽnnỽ ed oed hythev en