Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 193v

Brut y Brenhinoedd

193v

y ffo. Ac o|r dywed gwedy kaffael o edelfflet e dynas a
gwybot er achaỽs e doethoedynt e meneych henny
er lle honno ef a erchys en kyntaf ymchwelvt er ar+
veỽ en er rey henny. Ac e velly en e dyd hvnnỽ dev
kant a myl kan eỽ tekaỽ o coron merthyrolyaeth a
kaỽssant nevaỽl eystedva. Ac odyna pan ed|oed e rac+
dywededyc creỽlaỽn hvnnỽ en kyrchỽ bangor a chly+
bot o|r brytanyeyt y crevlonder a|e ynỽydrwyd.
tywyssogyon e brytanyeyt a ymkynnỽllassant o p+
ob lle y gyt. nyt amgen. bledrỽs tywyssavc kernyv.
maredvd brenyn dyvet. Catvan vap yago. brenyn gw+
yned. Ac gwedy dechreỽ ymlad wynt a kymellassant
edelflet en vrathedyc ar|ffo. Ac y gyt a henny wynt a|la+
dassant o|y lw chwe gwyr a|thry vgeynt a deng myl. Ac
ym parth e brytanyeyt e dygwydvs bledrvs tywyssavc
kernyw. e gwr a oed pennadvraf ar er ymlad hvnnv.
AC odyna ed ymkynnvllassant O vrdedygaeth Catvan
holl tywyssogyon e brytany +[ en vrepyn*.
eyt hyt eng kaer lleon ac o kyt·dỽundep wynt a
ỽrdassant katvan vap yago vap bely en vren+
yn arnadvnt. ac en ev blaen erlyt edelfflet tr+
wy hwmyr. Ac gwedy y coronhaỽ ef o coron e
teyrnas ymkynnvllav a orỽgant pawb en llwyr