Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 193r

Brut y Brenhinoedd

193r

chyt·ymdeythokaỽ ac wyn* am dym mwy noc ar
cwn. Ac wrth henne edelfflet brenyn keynt pan
weles e brytanyeyt hyt nat wfydheynt y aỽstyn.
ac en tremygv y pregeth trwm wu kanthaỽ henny.
ac annoc a wnaeth y edelffryt brenyn escotlont ac
yr brenhyned bycheyn ereyll o|r saysson kynnvllav
llw a dyvot y gyt ac ef hyt en dynas bangor y dy+
al ar dỽnaỽt. ac ar yr yscolheygyon ereyll y gyt ac
ef ac eỽ tremygessynt ac y eỽ dystryw. Ac|wrth he+
nny wynt en kyt·dvnn a devthant y gyt ac ef a dy+
rvavr lw y ỽeynt kanthỽnt parth a gwlat e bry+
tanyeyt. Ac ena wynt a devthant hyt eng kaer
lleon en|e lle ed oed brochvael yskythraỽc en ev haros
tywyssavc o kaer. A|hyt e dynas hvnnv e dothoedy+
nt o pob gwlat eng kymry oll meneych o aneyryf
nyỽer onadvnt a dydryfwyr. ac en wuyhaf o d+
ynas bangor hyt pan wedyhynt tros yechyt ev pob+
yl ac eỽ kenedyl. Ac gwedy kynnỽllaỽ e velly e llw o p+
ob parth dechrev ymlad a brochvael er hvnn a oed lay*
y nyỽer o varchogyon noc edelfflet. Ac o|r dywed adaỽ e
dynas a orvc brochvael. ac eyssyoes nyt hep gwneỽth+
vr dyrvavr aerva  en kyntaf o|y elynyon kynn noget