Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 191v

Brut y Brenhinoedd

191v

escop kaer efraỽc gwedy gwelet onadvnt
er holl eglwysseỽ a oedynt a dan eỽ llav gw+
edy eỽ dystryv hyt e llawr ar ỽeynt a dyeng+
ys oc eỽ hỽrdolyon y gyt ac wynt o|r ỽe+
ynt perygyl honno a ffoassant hyt en dyo+
gelỽch koedyd kymry; ac eỽ kreyryeỽ. ac
eskyrn seynt kanthỽnt rac oỽyn dyleỽ o|r
angkyfyeyth paganyeyt e veynt o eskyrn
e savl seynt a oedynt kanthvnt. ot ymrody+
nt wynteỽ y ỽerthyrolyaeth en e dyssyỽyt pe+
rygyl hvnnỽ. A llawer heỽyt onadỽnt a ffo+
assant hyt en llydaỽ hyt|pan oedynt holl eg+
lwysseỽ e dwy archescobaỽt en dyffeyt*. nyt
amgen llỽndeyn a chaer efravc. Ar petheỽ he+
nny ar avr hon tewy a wnaỽn amdanỽnt. k+
anys pan traythwyf oc eỽ llewenyd ena e
traythaf o henny.
AC odyna e kollassant e brytanyeyt coron
e teyrnas trwy lawer o amseroed a llyw+
odraeth er enys ar y hen telynctaỽt ny allas+
sant y hatnewydv. Ac ettwa er rann a tryg+
assey kanth·ỽnt o|r enys nyt y vn brenyn ed
oedynt darystynghedyc namyn y try cre+