Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 190v

Brut y Brenhinoedd

190v

Llyma amadraud gwr ewyffir en|keridu kene+
dyl e britanyeyt am eu|cyberwyt.
PA peth a gwnaey segỽr kenedyl kyw+
arssangedyc o pynner gorthrymyon
pechodeỽ. er honn en wastat a ỽydey arney
ssychet kywdawdaỽl ymlad kanys en|e ỽeynt
honno trwy dy kartrevaỽl ryỽel. kanys ke+
nedyl e brytanyeyt kynt a gnottey ac gores+
kyn pell teyrnassoed e byt en ev kylch. wrth
eỽ hewyllys ac|wrth eỽ medyant e|hỽneyn. Ac
er aỽr hon megys Gwynnllann da Gwedy dyr+
ywyaỽ ymchweledyc en chwerwed hyt na el+
ly ty amdyffyn dy wlat. na|th wraged na|th ve+
ybyon. Ac wrth henny kynyda tytheỽ kywd+
awdaỽl a pall kynyda. bychan o peth e dyell+
eyst ty er eỽengylaỽl amadraỽd hỽnnỽ. Pob
teyrnas wahanedyc endy e|hỽn a dyffeythyr.
ar ty a ssyrth ar y gylyd. Ac wrth hyny kanys gwaha+
nedyc dy teyrnas ty. kanys ynvydrwyd
kywdaỽdavl terỽysc ac|annvundep. kanys
mỽc kynghorỽynt a tywyllyaỽd de vedvl ty.