Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 180r

Brut y Brenhinoedd

180r

chỽ a dan hỽnnỽ.
AC o|r dywed gwedy sevyll paỽb en erb+
yn y gylyd onadvnt. e brytanyeyt o|r
neyll parth ar rỽueyn·wyr o|r parth arall
pan klywssant sseyn er arwydon. e vydyn
ed oed brenyn er yspaen a|e kytymdey+
th en y harweyn a ymkyvarfv a bydyn
araỽn ỽap kynỽarch a chadwr yarll k+
ernyv. a henny en wychyr ac en glew. ac
eyssyoes ny allassant nay thorry nay gw+
asgarỽ. Ac ỽal ed oedynt ỽelly en dywal ac
en kalet en ymlad llyma bydyn Gereynt
karnyws a bodo o Ryt ychen. a hyt tra edo+
ed megys y dywedassam ny wuchot bydyn
gwyr rỽueyn en seỽyll en kadarn en dyss+
yvyt o|r redec e meyrch Gereynt a bodo ac
eỽ bydyn a|e kyrchassant ac a|e tyllassant ac
a aethant trwydy a throsty hyt pan kyva+
rfỽant a bydyn brenyn parth er honn a
oed en kyrchv en erbyn bydyn echel bre+
nyn denmarc a llew ỽap kynỽarch bren+
yn llychlyn. Ac ena hep ỽn gohyr o pob pa+
rth ymkymyscv a gwnaethant e bydynoed