Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 179r

Brut y Brenhinoedd

179r

ech delyet. Ac na tebygvch e mae rac eỽ hofyn wy
e mynassỽn kyrchỽ e dynas hỽnn. namyn tebygỽ
en herlyt ny onadỽnt wy. ac en dyssyỽyt kaffa+
el o·honam nynheỽ kaffael aerỽa onadvnt dyr+
vaỽr y meynt. A chanys hagen e gwnaethant
wy* noc y tebygassỽn y. gwnaỽn nynheỽ en a+
mgen en eỽ herbyn wynt. Deyssyfỽn wynt.
ac en glew kyrchvn a chet gorỽydont dyodefỽn
en da er rvthyr kyntaf y kanthvnt. ac e velly hep
amhev ny a orvydvn. kanys pwy bynnac a dyo+
defo en da er rỽthyr kyntaf mynych ydaỽ kaff+
ael e wudvgolyaeth en llawer o ymladeỽ. Ac|gwe+
dy darvot ydaỽ terỽynỽ ar ymadrodyon he+
nny a llawer o ereyll. paỽb o vn dyhewyt a rod+
assant eỽ dwylaỽ kant* tynghỽ nat ymedew+
ynt ac ef. Ac ar ỽrys Gwyskaỽ amdanỽnt eỽ
harỽeỽ. ac en arỽaỽc adaỽ longres a chyrchv y
dyffrynt e lle ed oed arthvr gwedy ry lỽnyethỽ
y kadeỽ a|e ỽydynoed. Ac ena gossot a wnaeth+
ant wynteỽ eỽ llw en deỽdec bydyn o ỽarchog+
yon a phedyt en herwyd rỽueynaỽl deỽaỽt.
chwe gwyr a|th try ỽgeynt a chwechant a chwe
myl em pob bydyn. Ac y pob vn o|r rey llywodr+
yon. hyt pan ỽey o dysc er rey henny e kyrchynt