Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 178v

Brut y Brenhinoedd

178v

en|y darparỽ ydav ny myvnnvs* ef ffo megys y
darparassey namyn galw y gleỽder attav
a chyrchv y dyffrynt hwnnv ar eỽ tor a galw
y tywyssogyon attaỽ a dywedwyt vrthvnt
ỽal hyn. Tadev anrydedvs ep ef o arglwydy+
aeth er rey e delyyr kynhal teyrnassoed e dwyre+
yn ar gorllewyn en darestynghedyc vdvnt
koffevch ech hentadeỽ er rey yr goreskyn eỽ ge+
lynyon ny ochelynt ellwng eỽ pryaỽt wayt e
hỽneyn. namyn adaỽ anchreyfft molyant yr rey
a delhey gwedy wynt. ac e velly ed ymledynt me+
gys na gwelhey dyw byth eỽ marw. Ac e velly en
vynnych e gorỽydynt. a chan orvot e gochelynt an+
gheỽ. kanys ny daỽ y nep namyn er nep y gwelo dy+
w. ar ansavd e mynho dyw ar amser y mynho. Ac
wrth henny ed echwanegynt wy kyoed* kyvoeth rv+
ueyn. ac eỽ molyant wynteỽ ac eỽ clot. ac eỽ hadw+
ynder. ac eỽ haylder. ac o henny e dyrchevynt wy+
nt ac eỽ hetyved en arglwydyaeth er holl vyt.
Ac wrth henny kan damvnav kyffroy enoch chwy+
theỽ o peth hvnnỽ ed annogaf y hyt pan alwoch
attaỽch ech annyanaỽl daeony. a hyt pan savoch
endy. kan kyrchv ech Gelynyon essyd en ech arh+
os en|y dyffrynt hvnn. kan dessyveyt y ganthvnt