Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 177r

Brut y Brenhinoedd

177r

kyrchỽ o|r march·ogyon en kyt·dvvn ac wynt ac
eỽelly ar deheỽ ac ar assỽ yr marchogyon y byd+
ynt e pedyt en pedrogyl herwyd deỽaỽt e brytany+
eyt. Ac ar ỽydyn kyntaf e gossodet e tywyssogyon.
Araỽn vap kynỽarch brenyn er alban. a chadwr yarll
kernyw. vn en e corn dehev ac arall en e corn assỽ. Ac ar
er eyl ỽydyn deỽ arderchaỽc tywyssaỽc nyt amgen. Ge+
reynt karnwys. a bodo o Rytychen. Ac ar e tryded vy+
dyn. Echel brenyn denmarc. a lleỽ ỽap kynỽarch br+
enyn llychlyn. Ar pedwared vydyn. howel vap emhyr
llydaỽ. a Gwalchmey vap lleỽ ney e brenyn. Ac en ol e p+
edeyr bydyn hynn e gossodet pedeyr bydyn ereyll tr+
ach eỽ keỽyn. ac ar ỽn o|r rey henny e racdodet key
pen sswydwr. a bedwyr pen trỽyllyat. Ac ar e ne+
ssaf ydy. holdyn yarll rỽten. a Gwyttart yarll pe+
yttaỽ. Ac ar e tryded vydyn e gossodet. Oweyn o k+
aer lleon. a Jonathal o kaer weyr. a chvrsalem o
kaer key. Ac yr pedwared. ỽryen o kaer badon.
Ac arthvr e|hvn a etholes lleng ydaỽ. ar rac y vron
a seỽyll er evreyt dreyc. er honn a oed ydaỽ en lle
arwyd. megys e gellynt e gwyr blynn ar rey brath+
edyc pan y kymellhey eỽ hanghen wynt ffo a dan er
arwyd honno. megys y kastell dyogel. Ac en|e kat