Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 166v

Brut y Brenhinoedd

166v

orỽgant paỽb o·nadỽnt nyver megys e b+
ey y allỽ a|e defnyd. en|y gwassanaeth. me+
gys ed oedynt o enys prydeyn e|hỽn trỽgeyn
myl o varchogyon arvaỽc. hep e degmyl a adaỽ+
ssey brenyn llydaỽ. Ac odyna brenhyned er eny+
ssed ereyll kany bỽassey deỽaỽt kanthvnt arỽerỽ o
ỽarchogyon. paỽb onadvnt a edewys pedyt e saỽl
e gellynt eỽ kaffael. megys ed oedynt o|r chwech en+
ys. nyt|amgen ac ywerdon. ac yslont. ac Got+
lont. ac orc. a llychlyn. a denmarc. chwe ỽgeyn
myl o pedyt gwedy eỽ ryvaỽ. Gwedy henny y gan
tywssogyon ffreync. nyt amgen. o rwthen. a phor+
tỽ. a nordmandy. a cenoman. ac angyw. a pheyttỽ.
pedwar ỽgeyn myl o varchogyon arỽaỽc. Ac y gan
y deỽdec gogyfwrd a doethoedynt gyt a Gereynt
deỽ cant marchavc a myl o varchogyon arvaỽc. Ac
sef oed eyryf henny oll y gyt dev kant marchaỽc a
thry myl a pedwar ỽgeyn myl. a chan|myl eythyr
pedyt er hynn ny ellyt eỽ ryf.
AC gwedy gwelet o|r brenyn paỽp en para+
vt en|y wassanaeth erchy a orỽc y paỽb bryssy+
aỽ o|y wlat ac ymparatoy. ac en erbyn kalan awst
bot eỽ kynadal oll y gyt em porth barbefflwy en lly+