Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 155r

Brut y Brenhinoedd

155r

darparỽ goreskyn holl eỽropa ydaỽ e|hỽn.
Ac odyna paratoy y lynghes a orỽc ac en ky+
ntaf kyrchỽ llychlyn a gwnaet hyt pan vey
llew ỽap kynỽarch ydaỽ kan y chwaer a wne+
ley en vrenyn endy. kanys llew ỽap kynỽarch
oed ney ỽap chwaer y sychelyn brenyn llyc+
hlyn. a hỽnnỽ ry wuassey ỽarỽ en er amser h+
ỽnnỽ a kymynassey y vrenhynyaeth y llew y
ney. A henny ny bỽassey teylwng gan e lly+
chlynnwyr henny. Ac wrth henny e kymerass+
ant wynteỽ Rycỽlff ac y gwnaethant en ỽre+
nyn arnadỽnt. a chadarnhaỽ eỽ dynassoed ac
eỽ kestyll kan tebygỽ gallw gwrthwynebỽ y
arthỽr. Ac en er amser hvnnỽ ed oed Gwalch+
mey ỽap llew en deỽdec mlwyd gwedy ry do+
dy ef o|y ewythyr eg gwassanaeth swlfyw pab
rỽueyn. ac y gan e gwr hỽnnỽ e kymyrth ef
 arỽeỽ en kyntaf. Ac gwedy dyỽot arthỽr me+
gys y dechreỽassam ny y dywedwyt hyt en traeth
llychlyn. Rycỽlff a holl nyver y wlat y gyt ac ef a
deỽth en erbyn arthvr a dechreỽ ymlad ac ef. Ac
gwedy ellwng llawer o creỽ a gwaet o pob parth