Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 147r

Brut y Brenhinoedd

147r

lyndysey ar penn mynyd er·rwng dwy
aỽon. ar dynas hvnnỽ er aỽrhon a elwyr ly+
ncol. Ac gwedy ev dyỽot eno y gyt ac eỽ holl
nyỽeroed. ymlad a orỽgant ar saysson. ac
agklywedyc aerỽa a gwnaethant onadỽnt.
kanys chwe myl onadvnt a dygwydant e
dyd hỽnnỽ. rey oc eỽ llad. rey oc eỽ body en er
aỽonoed a gollassant eỽ henedyeỽ* ac eỽ bwc+
hed. Ac wrth henne er rey ereyll en kyflaỽn o ofyn
adaỽ e dynas a orỽgant a chymryt eỽ ffo en lle
dyogelỽch ỽdỽnt. Ac eyssyoes er rey henny ny
orffwyssaỽd arthỽr oc eỽ hymlyt hyt pan de+
ỽthant hyt en llwyn kelydon. ac eno ymkyn+
ỽllaỽ o pob lle a gwnaethant oc eỽ ffo. a med+
ylyaỽ odyna gwrthwynebỽ y arthỽr. Ac ody+
na gwedy dechreỽ ymlad onadỽnt. aerỽa a orỽ+
gant o|r brytanyeyt ac eỽ hamdyffyn e|hỽneyn
en ỽraỽl. kanys o waskaỽt e gwyd ac eỽ kanw+
rthwy ed arverynt ac e gogelynt ergydyỽ*
e brytanyeyt. Ac gwedy gwelet o arthwr
henny. ef a erchys trychỽ a llad e koet en e