Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 146v

Brut y Brenhinoedd

146v

erbyn e paganyeyt. Ac o kytdyvndep
ac o kyt·kyghor pavb y gyt kennadev a
ellygassant hyt ar howel ỽap emhyr ll+
ydaỽ brenyn brytaen ỽechan y venegy y+
daỽ enteỽ er ormes ar trveny ar ryỽel oed
gan e paganyeyt ar enys prydeyn. kan+
ys ney ỽap chwaer y arthwr oed e gwr h+
ỽnnỽ. Ac gwedy klybot o howel er ryvel
ar afylonydvch a oed ar ewythyr erchy a o+
rỽc paratoy lyghes a kynnỽllaỽ pymtheg
myl o varchogyon arỽaỽc ac ar e gwynt ky+
ntaf a kavas e deỽth y porth hamỽnt y tyr
enys prydeyn. Ac odyna arthỽr a|e harỽolles
o|r anryded e gwedey arỽoll gwr kyfỽrd a
hỽnnỽ. ac en ỽynych y damplygỽ ac ymkarv
pob eylwers. Ac odyna gwedy llythraỽ echy+
dyc o dydyeỽ wynt a kyrchassant kaer lwyt+
koyt. er hon a dywedassam ny wuchot b+
ot e paganyet* en ymlad a hy. E kaer hono
hagen a oed gossodedyc en e wlat a elwyr