Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 134r

Brut y Brenhinoedd

134r

eng kaer efraỽc. Ac o|r dywed gwedy dechr+
eỽ onadỽnt ymlad a chaer efraỽc ac eyste
wrthy. Wther pen dragon y gyt a holl ked+
ernyt a dewred e teyrnas a deỽth ac en dya+
nnot ymlad ac|wynt. Ac esef a gwnaethant e
ssaysson eyssyoes en wraỽl gwrthwynebỽ yr br+
ytanyeyt ac eỽ kymell ar ffo. Ac gwedy kaffael
e wudvgolyaeth onadỽnt wynt a erlydassant e
brytanyeyt hyt em mynyd damen. kan eỽ llad
hyt tra kynhelys er|heỽl e dyd. Ac esef ansaỽd oed
ar e mynyd hỽnnỽ Wuchel oed ac en|y penn en yaỽn
ed oed kelly a|cherryc dyffwys en|y kylch a lle adas
y presswylỽa bwystỽylet. Ar mynyd hỽnnỽ a ky+
merassant e brytanyeyt ac a kynhyalassant en am+
dyffyn ỽdỽnt trwy e nos. Ac|gwedy gorỽot o|r nos
ar y dyd ỽthyr pen dragon a dyỽynnwys attaỽ y
tywyssogyon a|e yeyrll a|e ỽaronyeyt hyt pan ỽey
trwy ev kynghor wynt e treythynt pa wed e gw+
rthwynebynt y eỽ gelynyon. Ac en kyflym paỽb
a deỽthant wrth dyỽyn e brenyn. rac deỽ lyn y ky+
ndrycholder. Ac|gwedy eỽ dyỽot y gyt wynt. ef
a erchys ỽdỽnt rody eỽ kynghor. ac yn kyntaf
ed erchyt y Gwrleys tywyssaỽc kernyw dywedwyt