Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 133v

Brut y Brenhinoedd

133v

wchot ef a erchys gwneỽthvr llỽn dwy dreyc o eỽr
ar kynhebygrwyd er honn a emdangossassey y gyt
ar seren. Ac gwedy gwneỽthvr er rey henny o anry+
ỽed kywreynrwyd. ef a offrymavd e neyll onadv+
nt en erglwys penhaf eg kaer wynt. ar llall a ette+
lys kanthaỽ wrth y arweyn en|y ỽlaen en lle arwyd
pan elhey y wrwydyr ac y cat ac y emlad. Ac o|r ams+
er hỽnnỽ allan e gelwyt ef wthỽr pen dragon. Ac|w*+
rht henny e   e* kaỽas ef er enw hỽnnỽ wr+
th y darogan ef o ỽerdyn trwy e dreyc y vot en ỽrenyn.
AC en er amser hỽnnỽ octa map heyngyst ac o+
ffa y kefynderỽ entev gwedy gwelet onadvnt
 eỽ bot en ellynghedyc o|r arỽoll ar rodessynt y em+
reys wledyc medylyaỽ a gwnaethant ryỽelỽ en erb+
yn e brenyn ac amlhaỽ eỽ terỽyneỽ e|hỽneyn. kanys
e ssaysson ar ry|fỽessynt y gyt a phasken ỽap Gorthe+
yrn a kymeressynt attadỽnt ac|eỽ kennadev a ellyn+
ghessynt hyt en Germany en ol ereyll. Ac gwedy em+
kynnỽllaỽ kynnỽlleydỽa vaỽr y gyt onadvnt dech+
reỽ a gwnaethant anreythyaỽ gogled wladoed er
enys ac ymrody y crevlonder en kymeynt a dystry+
w e keyryd ar kestyll ar lleoed kadarn o|r alban hyt