Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 132r

Brut y Brenhinoedd

132r

nep. Ac en henny er·rwng ỽn ac arall llythraỽ a
gwnaeth er escymỽn ỽradỽr hỽnnỽ ac nyt em+
dangosses en e llys o henny allan. A hyt tra edo+
edyt en gwneỽthỽr henny eng kaer wynt ed y+
mdangosses seren anryved e meynt a|e llevfer ac
ỽn paladyr ydy. ac ar penn y paladyr hỽnnỽ
ed oed pellen o tan ar lỽn dreyc. ac o eneỽ hon+
no e kerdynt deỽ paladyr a hyt e neyll o·nadvnt
a welyt en estynnỽ tros terỽyneỽ ffreync. ar llall
a welyt en kerdet parth ac ywerdon ac en terỽ+
ynỽ en seyth paladyr bycheyn.
A phan emdangosses e seren honno anryỽe+
d ac ofyn a trewys paỽb o|r a|e gweles.
A dyrỽavr ofyn a kymyrth vthyr bravt e br+
enyn en e lle yd oed eng kymry en kyrchỽ y ely+
nyon a goỽyn y paỽb o|r doethyon y gyt ac ef pa
peth a arwydkaey* e seren honno. Ac em plyth p+
aỽb o|r rey henny ef a erchys dyvynnỽ merdyn e+
mreys yr lle. A gwedy dyvot merdyn a seỽyll rac
bron e brenyn ef a erchys ydav danllewychv pa peth
a arwydkaey* e seren racdywededyc wuchot. Ac en|e
lle wylaỽ a orỽc merdyn a galw y espryt attaỽ a dy+
wedwyt ỽal hynn. O kollet hep waret o emdyỽat